“Hau La halo Milagre, Ita Servisu, Hisik Kosar, hadia Ita nia Moris”

Reflesaun kona ba Vizita Prezidenti da Repúblika 

Prezidênti TMR laos deit koñesido ba ninia lideransa nuúdar General Fórsa Armadas durante funu iha ailaran durante 24 anos. Prezidênti TMR mos koñesido ho ninia lalaok extra-ordinario, simplis, badinas, e nakonu ho integridade. Valor sira nee, Prezidênti Taur Matan Ruak hatudu liu hosi ninia lalaok lideransa dezde kedas asumi knar nuúdar Prezidênti da Repúblika. Desde kedas inísiu, Prezidênti TaurMatan Ruak fó prioridade bot ba prekupasaun nasionál, mezmu que fó mos importansia as ba prekupasaun exterior. Prezidênti Taur Matan Ruak prekoreTimor laran tomak, hodi rona, hare, e sente moris populasaun ne’ebé nia ukun.

Liafuan kroat e kadi  “ Uluk ho Imi, Ita Fó Aan ba Mate, hodi Ukun-Rasik-An, Ohin Fila Hikas ho Imi, Hikis Kosar Hodi Moris Diak”. Liu hosi ninia vizita rohan laek hosi nivel Distrital, Sub Distrito, Aldeia, e too nivel Sukus, e aldeais, Prezidênti Taur Matan Ruak quase vizita sukus 300, hosi sukus hamutuk442 iha Timor laran tomak.

Prezidênti TMR, lakole atu buka tuir ninia populasaun iha fatin-fatin. Laos surpreza bot quando ema rona, Prezidênti Taur Matan Ruak, lao ona oras ba oras, tun e sae fatin as e kuak, toba iha fatin e ba fatin, hodi buka hatene kondisaun moris populasaun sira nian

Populasaun iha distrito sira seluk no nivel sukus e aldeia, kontinua halerik buat mesak hanesan. Estrada, Be mos, hari Eskola, hatama Eleetricidade, Asuntus Veteranus,  desporto e violencia e diskriminasaun hasoru feto, siguransa, e fronteira maka prekupasaun principal quase iha fatin-fatin iha suku ne’ebé Prezidênti vizita ba.

Iha vizita hirak nee, PrezidêntiTMR rona e mos hare rasik populasaun ninia prekupasoens. Dala barak, PrezidêntiTMR sempre haklaken katak “Situasaun ba oin, mesmu que neneik,maibé sei lao baoin, e diak ba ita hotu”. Husu populasaun atu labele lakon esperansa, e labele sente mesak.

Iha parte seluk, Prezidênti Taur Matan Ruak mos husu atu populasaun sira labele hein deit. Iha liafuan kadi e kroat, Prezidênti hatete “ Ita hetan ona Ukun-Rasik-An, maibé ita seidauk hetan Moris diak”.  Ita hotu tenki badinas  atu servisu, e servisu hamutuk.

Iha mos pontos importante balun ne’ebé integradu ho vizita Prezidênti TMR nian durante kaer knar nuúdar Prezidênti da Repúblika.

Populasaun iha area rurais sente dunik prezensa Prezidênti da Repúblika nian iha sira nia leet. Sira iha oportunidade atu hasoru, koalia e rona rasik. Iha prekupasaun balun maka rapidamente,hetan kedas solusaun tuir kapasidade Prezidênti nian. Prekupasaun sira seluk,Prezidênti fóti nota, e encaminho tuir dalan e ministério ne’ebé relevantes atu tau matan e resolve.

Atu hafórsa importansia populasaun ninia partisipasaun iha proseso dezenvolvimento, bebeik PresidentTaur Matan Ruak hatete “Ukun Nain ho Povo hanesan Samea ulun e ikun. Ne’ebé labele fahe ou haketak. Laiha povo, maka laiha governo ou laiha estadu”.

Prezidênti TMR laos deit iha oportunidade hodi hare rasik realidade moris ne’ebé populasaun sira infrenta lor-loron, maibé Prezidênti TMR mos hafórsa programa servisu governo nian ne’ebé dadauk iha ona proseso iha fatin-fatin. Importante tebes, Presiden ninia vizita, involve mos membros governo ho knar relevantes ba prekupasaun ne’ebé populasaun sira hasoru. Populasaun iha kedas oportunidade atu rona hosi autoridade e ministério ne’ebé relevantes.

Iha pontos importante seluk, PrezidêntiTMR ninia vizita, integra mos ho inter-cambio entre Xefi sukus, administrator ou Coordinador Distrito sira hosi distrito seluk. Objetivo ida importante ba Xefi Sukus e Coordenador Distrital sira, atu haklean sira nia vizaun, e hetan oportunidade atu fahe infórmasaun entre sira. Sira bele mos hare situasaun e kondisaun moris iha fatin seluk, rona experiencia hosi autoridade lokal distritos e sukus sira seluk nian, e importante liu, oinsa  siraservisu hamutuk hodi hadia e lori mudansa iha sira nia distrito, e suku rasik.

Sequencia e tradisaun vizita Prezidênti da Repúblika, sempre loke ho lalaok tradisaun e dalan sorumotu. Hahu hosi lian-simu, lok-buamalus, too iha diskurso, e dialogue aberta ho populasaun.

Prezidênti Taur Matan Ruak, fó importansia bot ba asuntus dezenvolvimento iha areas hanesan agrikultura, ekonomia, edukasaun, e saúde. Asuntus hirak nee, Prezidênti koalia e demonstra liu hosi examplu realidade moris oin-oin, ne’ebé hafórsa ezizensia e mudansa ba moris diak ema hotu nian.

Iha parte importante seluk iha vizita, Prezidênti da Repúblika mos publikamente, fó ninia numero telefini, atu nunee populasaun bele halo kontakto, liu-liu ba feto sira ne’ebé hetan violasaun iha uma laran.

Lalaok Prezidênti TMR ne’ebé lao haleu hodi buka, ba hare, ba rona, e koalia ho populasaun diretamente hetan reasaun positivo tebes. Populasaun barak maka hein katak lalaok ida nee laos deit Prezidênti TMR, maibé lider sira seluk mos bele hakbesik ba sira. Populasaun hatudu gratitude ne’ebé klean, expresa sira nia sintemento de amizade ne’ebé Prezidênti TMR halo ba sira, desde kedas kaer knar nuúdar Prezidênti da Repúblika

Populasaun frankamente fiar katak, ho prezensa Prezidênti TMR ninian iha sira nia leet, bele kedas resolves ira nia problema ne’ebé sira hasoru. Ezijensia ne’ebé sira hatoo, balun hato ho triste, e hirus. Iha mos populasaun balun, hatoo sira nia sentimento diskontenti ho perfórmasaun servisu ne’ebé governo halao iha nivel distrital too area rurais. Servisu Estrada e infrastruktura barak, maka halao nuúdar projeito emergerncia,badak e laiha qualidade.

Hanesan Prezidênti da Repúblika, Prezidênti TMR la baruk atu kontinua fó esperansa ba ninia populasaun sira. Iha tempu hanesan, Prezidênti TMR mos enkoraja ema hotu, feto, mane, e joven atu badinas servisu e labele tur hein e husu deit.

Ba Inan e Aman, Prezidênti bolu atensaun atu haruka oan sira feto e mane ba eskola. Edukasaun maka xavi bot atu hadia e lori mudansa ba moris e progreso.

Ba familia sira, Prezidênti husu atu hadomi e respeita malu, servisu hamutuk ba moris diak. Familia ne’ebé fórte,sei hafórsa komunidade e nasaun ida maka fórte.

Ba ferik, katuas e veteranus Prezidênti husu atu sira labele tauk. Nasaun sei lahaluha sira, kontinua sai mata-dalan ba gerasaun fóun sira atu banati tuir.

Ba joven e kik oan sira,Prezidênti bolu e husu atu labele baruk aprende e eskola. Timor iha gerasaunfóun sira nia liman, gerasaun fóun matenek e fórte, Timor sei kontinua lao baoin.

Prezidênti TMR e equipa tomak haleu sukus  sia (9); Saburai, Dildapil, Lebos,Lontas, Lolotoe, Fatululik, Fatukmean, Maucatar e Guda iha distrito Bobonaro noSuai, hamutuk ho populasaun besik rihun lima ( 5) resin.

Prezidênti TMR sei kontinua halao vizita ba sukus sira seluk, ho mensagem e objetivo hanesan. Dezenvolvimento iha ita rai Timor, lamosu hanesan milagre. La manu hosi lalehan, la sae hosi tasi. Hanesan Prezidênti, hau mos la halo milagre. Maibé Hau, Imi, e Ita hotu hamutuk, e hakarak dunik hikis kosar, no servisu makas, ita hotu sei moris diak.

Lideransa Ukun ho laran, laos deit ho Ulun. Prezidênti TMR dehan, ” Eventus moris balu hau hasoru, Ema balu hau hasoru, ne’ebé lori tempu naruk, dala barak fulan atu haluha sira, Hau hanoin sira, dala barak susar atu dukur”.

Bella Galhos

Advertisements