KOMUNIKADU IMPRENSA

CASA CIVIL

DSC_0746DSC_0794 DSC_0780

Prezidensia da Republika, liu hosi Departementu Peskiza no Analiza organiza diskusaun loron rua lori rona aprezentasaun rezultad final ba Premiu Peskiza Prezidensia da Republika 2014 nian. Iha loron 18 no 19 de Fevereiru, Prezidensia da Republika, liu hosi Departementu Peskiza no Analiza organiza diskusaun lori rona aprezentasaun final hosi manan nain Premiu Peskiza Prezidensia nian. Aprezentasaun final ida ne’e nuudar parte ida hosi Premiu ida ne’e depois de halo peskiza no no prepara relatorio. Aprezentador no topiku sira ne’e mak:

  1. Zulmira Ximenes da Costa –“Uma Caracterização dos Imigrantes em Timor-Leste de 2009 a Junho 2014”
  2. Cidália do Rosário da Cruz no Sr. Francisco dos Reis de Araújo– “Cidadãos Académicos do Ensino Superior Timorense Ativos no uso das Linguas Oficias – Facilidades e Dificuldades no Processo de Ensino-Aprendizagem”
  3. Elizabeth Amaral – Human Resource and Productivity in Timor-Leste.”
  4. Dr. Acacio Cardoso Amaral – “Prevalence of Ascarissuum in Timor Leste”
  5. Dirce Maria Soares – “Fatór sira-ne’ebé influensia koñesimentu inan nian kona-ba prátika fó-han labarik ho idade fulan 0-23 iha Sub-Distritu Dom Aleixo“

Chefe Casa Civil, Sr. Fidelis M.L. Magalhães iha diskursu abertura hateten katak inisiativa hosi Premiu ida ne’e mak atu promove uzu evidensia iha politika publiku mos atu insentiva Peskizador Timor oan sira iha area peskiza nian, tanba dala barak peskiza kona ba Timor ne’e akademiku hosi rai liur mak halo. Chefe Casa Civil ne’e mos hatoo parabens ba manan nain sira tanba sira nia susesu, no mos hatoo agradese ba parte hotu ne’ebe kontribui iha prosesu ida ne’e liliu membru Jury sira ne’ebe ho voluntariu halo fo sira nia tempu lori halo selesaun no halo akompanhamentu ba peskizador sira.

Durante loron baluk rua, manan nain sira hatoo sira na aprezentasaun no hetan partisipasaun hosi audiensia sira relasiona ho asuntu sira ne’ebe sira halo peskiza ba. Partisipante sira mai hosi instituisaun oioin; staff Prezidensia rasik, membru jury sira, reprezentante ONG sira, ajensia dezenvolvimentu sira, individual balu ne’ebe iha interese ba asuntu sira ne’e, no estudante sira ne’ebe sira nia area estudu iha relasaun ba topiku sira ne’e.

Premiu Peskiza Prezidensia da Republika nuudar programa xavi ida Prezidensia nian lori fo oportunidade ba Timor oan atu partisipa iha prosesu dezenvolvimentu liu hosi peskiza no produsaun koñesementu no promove evidensia iha politika publiku. 2014 nuudar tinan dahuluk programa ne’ hahu no prosesu ba 2015 nian hahu ona.

Advertisements