PR seal

CASA CIVIL 

SERVISU ANALISA NO PESKIJA

Anúnsiu Públiku

Introdusaun

Mandatu konstitusional Prezidenti da Repúblika hodi kria no promove unidade nasional, halo konke Prezidênti da Repúblika Taur Matan Ruak determina koezaun sosial nu’udar parte ida hosi ninia plataforma polítika durante nian mandatu. Iha kontestu ida ne’e, Prezidênsia da Republika loke oportunidade ba Timor oan sira atu konkore iha Kompetisaun hakerek Aiknanoik ba daruak, 2015. Liu hosi kompetisaun ida ne’e, Prezidensia da Republika fo premiu sanulu ba Aiknanoik ka Lenda sanulu ne’ebe selesionadu hosi Ekipa Avaliasaun. Valor hosi Premiu ida ne’e mak osan ho montante $600 ba kada istoria, ba ema sira sira. Objetivu hosi kompetisaun ida ne’e mak atu explora, promove no prezerva aiknanoik no hametin koesaun no unidade nesional, liu hosi hakerek ita nia aiknanoik no lenda sira ne’ebé existe iha Timor.

Kriteria hirak tuir mai ne’e.

  1. Ema ne’ebé hakerek hosi idade tinan 17 to’o 35 prova hosi Kartaun Eleitoral ou Billeti da identidade.
  2. Ema ne’ebe manan ona, labele konkore tan.
  3. Funsionariu Prezidensia da Republika labele konkore iha Kompetisaun ida ne’e/
  4. Submisaun istoria tenki inklui mos identidade kompletu, hanesan naran, hela fatin, numeru kontaktu no enderesu elektroniku.
  5. Lenda ka aiknanoik tenki ninia orijin hosi Timor-Leste.
  6. Lenda no aiknanoik ninia konteudu tenki refleta matenek lokal ka sabedoria lokal ruma.
  7. Lenda no Aiknanoik tenki hakerek iha lian ida hosi lian offisial rua: Tetum ou Portugues.
  8. Lenda no aiknanoik ninia naruk entre pajina 7 – 12, hakerek uza fonts Times New Roman ho size 12, no espasu 1.5.
  9. Lenda no aiknanoik tenki submete ba Organizadora, Prezidensia da Repúblika antes loron 30 de Novembru 2014.
  10. Lenda no aiknanoik bele submete liu hosi endereso elektroniku filomeno.soares@presidenciarepublica.tl ou matias.saldanha@presidenciarepublica.tl ou submete direitamente ba iha organizadora, iha Servisu Peskiza no Analiza, Prezidensia da Republika.
  11. So istoria ne’ebé selesionadu atu hetan premiu mak sei hetan kontaktu hosi Komisaun Organizadora.

Prosesu

Komesa hosi loron ne’ebé anúnsia ne’e sai, organizadora sei simu istoria sira ne’ebé mak mai hosi Timor oan sira. Depois, sei iha ekipa ida ne’ebé mak avalia istoria sira ne’e. Ekipa ida ne’e mak sei hili istoria sanulu (10) ne’ebé mak sei manan kompetisaun ida ne’e. Depois de ida ne’e, organizadora sei anunsia istoria ida ne’ebé mak manan, no sei hetan premiu hosi Prezidensia da Republika. Prezidensia da Repúblika sei fo premiu ba ho valor osan $600 ba kada istoria no sertifikadu hanesan rekoñesementu ba sira nia partisipasaun.

Data ikus ba submisaun istoria mak 30 de Novembru de 2015.

Advertisements