Fundasaun Ázia hala’o diskusaun redonda ida kona-ba Tranporte Públiku iha Timor-Leste

 

Foin lalais ne’e Fundasaun Ázia hala’o estudu análize ekonomia polítiku ba transporte públiku iha Timor-Leste. Iha loron 3 Dezembru, ami hala’o diskusaun redonda ida ho parte interesadu xave sira ne’ebé inklui reprezentante husi Ministériu Obras Públikas, Transporte no Komunikasaun (MPWTC), gabinete Primeiru Ministru, gabinete Prezidente no mos ajénsia ne’ebé involve iha setór ne’e.

Dili, 7 Dezembru 2015 – Atu hetan kompriensaun ida kona-ba modelu populasaun nia movimentu iha Timor-Leste, liu-liu hasoru situasaun antesedentes husi modernizasaun, sosiedade urbana, ne’e maka hanesan xave atu asegura katak ninia sidadaun bele iha asesu ba servisu báziku sira no partisipa iha vida públika no privada tomak. Hafoin diskusaun ida iha Gabinete Prezidente iha tinan ikus 2014 nian, Fundasaun inspira kona-ba estudu ida atu bele komprende modalidade sira ne’ebé eziste, dezafiu no oportunidade sira ne’ebé hatudu husi setór transporte nian.

Estudu ida ne’e esplora servisu atuál sira ne’ebé disponivel iha transporte rai, tasi no aéreu. Relatóriu ne’e konfirma katak tranporte públiku iha Timor-Leste agora dadaun ne’e funsiona  ho nivel regulasaun no intervensaun ne’ebé menus husi governu. Servisu sira barak liu maka hala’o husi nain ba kareta mesamesak no iha baze ba lukru. Iha dezafiu prinsipál balun, ne’ebé identifika husi uzuáriu ba Sistema ne’e, inklui mos falta publikasaun oráriu, laiha abilidade atu sosa antes billete, no preokupa kona-ba seguransa no kualidade husi servisu.

Uza aprosimasaun métodu mistura, autór halo revizaun ba enkuadramentu regulatóriu atuál, no mos polítika no funsionamentu prosedimentu ne’ebé eziste to’o mos iha rejistu no jestaun dalan  nian. Liuhosi entrevista informadór xave sira ho parseiru interesadu xave liu ema 40 husi govenru no mos ajensia servisu iha setór ne’e, estudu ne’e subliña mekanizmu ne’ebé eziste no esplora lakuna ne’ebé iha. Atu hetan kompriensaun dahuluk ba kualidade no reklamasaun husi sistema atuál, ekipa peskiza uza abordajem partisipatóriu no observatóriu liuhosi sa’e tuir karreta rute inter-distritu balun ne’ebé hili uluk ona. Aleinde ne’e, hala’o mos levantamentu pasajeiru ida ba ema liu 350  atu subliña preokupasaun ba dala uluk no dezeju atu hadi’ak.

Diskusaun meja redonda hala’o iha loron 3 Dezembru iha eskritóriu Fundasaun Ázia nian iha Dili. The roundtable on the 3rd of December was held at the Foundation’s office in Dili.  Nia lala’ok maka loke husi Vise-Ministru MPWTC, Eng. Inácio Moreira, ne’ebé nota iha importánsia  ba parte interesadu xave sira atu bele mai hamutuk no hetan komprensaun ida ne’ebé di’ak liu ba nesesidade no oportunidade husi setór ida ne’e.  Nia enkoraja liu tan ba kolaborasaun no esplorasaun, no hafoun fali governu nia kompromisu ba setór ne’e.

Partisipante sira seluk inklui mos Diretór Jerál MPWTC, chefe Aviasaun Sivíl, Komando Operasaun Polísia Nasionál Timor-Leste (PNTL), no reprezentante husi Embaixada Austrália, Banku Dezenvolvimentu Nasionál, Organizasaun Traballu Internasionál (ILO), no Embaixada Japaun.

Nudar Reprezentante Lokál husi Fundasaun Ázia, Susan Marx, Iha ninia aprezentasaun,fahe Fundasaun nia planu ba futuru atu kolabora liu tan ho Banku Dezenvolvimentu Ázia no MPWTC atu hala’o estudu relevante ho estatistikamente iha trimestre uluk iha tinan 2016. Iha peskiza ba futuru tuir mai sei kompleta relatóriu ida ne’ebé lansa foin lalais ne’e no kontribui ba baze evidénsia ne’ebé eziste iha servisu sira ba transporte iha rai no haroman liu tan oinsa no iha ne’ebé maka bele envolve parseiru interesadu xave sira iha reformasaun no oportunidade.  

Nota Editor: Publikasaun ida neé foti hosi Komunikasaun Imprensa Fundasaun Azia nian, no hetan lisensa hosi Fundasaun Azia. Ida neé nuudar etapa dahuluk atu lori komprende asuntu refere, tanba neé, Fundasaun Azia simu ho laran luak ita boot sira nia hanoin, kritika no mos sujestaun ruma kona ba asuntu refere.

Advertisements